Kalol Samachar

કલોલમાં પોલીસની પોઝિટિવ કામગીરીનો એક કિસ્સો સામે આવ્યો છે. જેમાં પોલીસે બિનવારસી હાલતમાં મળેલ બાળકને તેના માતા પિતા સાથે મિલન કરાવ્યું છે.કલોલ શહેર પોલીસે એક બિનવારસી બાળકને તેના માતા પિતા સાથે ગણતરીના કલાકોમાં મિલાવીને માનવતાનું કામ કર્યું છે.પોલીસને અજાણ્યા નંબર પરથી માહિતી મળી હતી કે ગંજીવાસના નાકે ચાર વર્ષનું બાળક બિનવારસી હાલતમાં મળી આવ્યું છે.

આ બાબતને લઈને શહેર પીઆઇએ પોલીસ સ્ટાફને બાળકના વાલીવારસદારને શોધી કાઢવા સુચના આપી હતી.જેથી પોલીસ દ્વારા બાળકની પુછપરછ કરતા જરૂરી સંકેત મળી આવ્યા હતા. પોલીસે સંકેતોને આધારે તપાસ કરતા થોડાક સમયમાં જ બાળકના માં બાપ મળી આવ્યા હતા. ત્યારબાદ વાલીએ બાળકના આધાર પુરાવા રજુ કરતા બાળકનો કબજો સોંપવામાં આવ્યો હતો. બિનવારસી બાળકના માતા પિતા મળી જતા પોલીસ સ્ટાફમાં પણ ખુશીની લહેર ફેલાઈ ગઈ હતી તેમજ હાજર સૌ લોકોએ પોલીસની કામગીરી વખાણી હતી.