Kalol Samachar

કલોલ પૂર્વમાં રસ્તા અને સોસાયટીનું દબાણ દૂર કરવા અનેક વખત રજૂઆત કરવામાં આવી હોવા છતાં દબાણ દૂર કરવામાં આવતું ન હોવાનો આક્ષેપ થયો છે. કલોલના ઓએનજીસી રોડથી જાય વિજય તેમજ પુષ્પકુંજ સોસાયટી તરફ જતા માર્ગનું દબાણ ઔડા દ્વારા દૂર કરવામાં આવતું નથી. આ ઉપરાંત સોસાયટીમાં આંતરિક દબાણ દૂર કરવાની પણ અનેક અરજી છતાં તેને દૂર કરાયું નથી.

અગાઉ આ રોડ બનાવવા માટે ઔડા દ્વારા દબાણ દૂર કરવામાં આવ્યું હતું. જોકે નિયત પહોળાઈ કરતા ઓછી પહોળાઈનો માર્ગ બનાવતા બાકીનું દબાણ દૂર થયું નથી. આ મામલે અરજદારે છેક મુખ્યમંત્રી સુધી રજૂઆત કરી છે. અરજદારે જણાવ્યું હતું કે નવ મીટરનો રોડ ફક્ત કાગળ પર જ છે. ઔડા દ્વારા જે દબાણ દૂર કરવાનું હતું તે કરવામાં આવ્યું નથી. આ માર્ગ સાંકડો હોવાથી ભવિષ્યમાં ટ્રાફિક જેવી સ્થિતિ પણ ઉદ્ભવી શકે છે.