કલોલમાં સ્ટેટ મોનીટરીંગ સેલે દારૂ ભરેલી કાર ઝડપી પાડી
કલોલ પંથકમાં દારૂની હેરફેર ઘણી જ વધી ગઈ છે. કલોલ પોલીસને સાઈડમાં રાખીને સ્ટેટ મોનીટરીંગ સેલે હાઇવે પરથી વિદેશી દારૂ ભરેલી કારને ઝડપી લીધી હતી. બાતમીને આધારે પોલીસે વોચ ગોઠવતા હાઇવે પર એક કાર આવી હતી. આ કારની પોલીસે તપાસ હાથ ધરતા વિદેશી દારૃ ની જુદી જુદી જાતની 833 બોટલ મળી હતી. આ દારૂની કુલ કિંમત 83,000 રૂપિયા જેટલી હતી.
પોલીસે કારમાં રહેલા દિનેશજી બાબુજી ઠાકોર રહે ઉગમણો વાસ મુ.થરા તા. કાંકરેજ ની ધરપકડ કરી હતી. આ ઉપરાંત પોલીસે જથ્થો ભરી આપનાર બકાજી અને ફરાર થઈ ગયેલા પ્રેમજીજી સામે ગુનો દાખલ કર્યો હતો તેમજ કાર અને વિદેશી દારૂનો જથ્થો જપ્ત કરી લીધો હતો.
જાણવા જેવું : કલોલ રેલવે સ્ટેશનને જંકશન કેમ કહેવામાં આવે છે ?