કલોલમાં કોંગ્રેસે ચૂંટણી તૈયારી આદરી,સહપ્રભારીની હાજરીમાં બેઠક યોજાઈ
કલોલમાં કોંગ્રેસે ચૂંટણી તૈયારી આદરી છે. કલોલના ધારાસભ્ય બળદેવજી ઠાકોર દ્વારા AICC સહ પ્રભારી વિરેન્દ્રસિંહ રાઠોડની હાજરીમાં કલોલ તાલુકા કોંગ્રેસ સમિતિની વિસ્તૃત કારોબારીની બેઠક યોજાઈ હતી. જનતાને મોંઘવારી, બેરોજગારી, ભ્રષ્ટાચારના ડામ આપનાર રાજ્યની ભાજપ સરકારની લોકો વિરોધી નિતીઓને લોકો સમક્ષ ખુલ્લી પાડવાનો રોડમેપ તૈયાર કરવામાં આવ્યો હતો.
આ બેઠકમાં ગાંધીનગર જિલ્લા કોંગ્રેસના પ્રમુખ અરવિંદ સોલંકી, ગાંધીનગર જિલ્લા પંચાયતમાં વિરોધ પક્ષના નેતા રશમીજી ઠાકોર, કલોલ વિધાનસભા વિસ્તારના પ્રભારી મુકેશ પટેલ, કલોલ શહેર કોંગ્રેસ પ્રમુખ અશોક પરમાર, કલોલ તાલુકા કોંગ્રેસ પ્રમુખ રાધુજી ઠાકોર, કલોલ તાલુકા પંચાયતના પ્રમુખ ધુરાજી ઠાકોર, કોંગ્રેસ તાલુકા કોંગ્રેસના પૂર્વ પ્રમુખ કાંતિજી ઠાકોર સહિતના આગેવાનો અને કાર્યકર્તાઓ હાજર રહ્યા હતા. કોંગ્રેસ દ્વારા આગામી વિધાનસભાની ચૂંટણીમાં જીત મેળવવા તડામાર તૈયારીઓ આદરવામાં આવી છે.
ગાંધીનગર જિલ્લા પંચાયતમાં કલોલને અન્યાય મુદ્દે ભાજપ-કોંગ્રેસ વચ્ચે તડાપીટ બોલાઈ
અમારી યુટ્યુબ ચેનલ સબ્સ્ક્રાઇબ કરવા અહીં ક્લિક કરો