કલોલમાં કેરી તોડવા બાબતે મારામારી થતા સામસામે પોલીસ ફરિયાદ
કલોલમાં આંબા પરથી કેરી કેમ તોડે છે તેમ કહી એક યુવકને માર મારવામાં આવ્યો હતો. ઇન્દિરા નગરના ખાડા પાસે આવેલ ગ્રાઉન્ડમાં કેટલાક યુવકો ક્રિકેટ મેચ રમી રહ્યા હતા. આ બાદ એક યુવકે બાજુમાં રહેલા લાંબા પરથી કેરી તોડી હતી જેને કારણે તેને પાસે આવેલ મીઠાઈની દુકાનના શેઠે આવીને યુવકને માર માર્યો હતો. આ ઉપરાંત મીઠાઈની દુકાનમાં લઈ જઈને કેરી કેમ તોડે છે તેમ કહી મોઢા પર ફેંટો મારી હતી તેમજ આજે તો બચી ગયો છે તેમ કહ્યું હતું.
ઇજાને પગલે યુવકને ગાંધીનગર સિવિલ હોસ્પિટલમાં સારવાર માટે ખસેડવામાં આવ્યો હતો. બીજી તરફ આ મામલે ઇજાગ્રસ્ત યુવક વિરુદ્ધ પણ ફરિયાદ નોંધવામાં આવી છે. કેરી તોડનાર યુવકે લોખંડનો સળીયો લઈને મીઠાઈવાળા પર હુમલો કર્યો હોવાની ફરિયાદ નોંધાતા સામસામે ફરિયાદો થઈ છે,જેને કારણે બોલે છે ગુનો નોંધી આગળ તપાસ હાથ ધરી છે.