કલોલના દંતાલીમાં બબાલ : એક્સ આર્મી મેને ફાયરિંગ કરતા સગીરનું મોત
BY પ્રશાંત લેઉવા
કલોલ ; કલોલ તાલુકાના દંતાલીમાં ફાયરિંગનો બનાવ બન્યો હતો. ફાયરિંગમાં એક સગીરનું ઘટના સ્થળે મોત નિપજ્યું હતું જ્યારે ઇજાગ્રસ્તોને સારવાર માટે ખસેડવામાં આવ્યા છે. રસ્તા અને પ્લોટની બાબતમાં ઝઘડાએ ઉગ્ર સ્વરૂપ ધારણ કરતા નિવૃત્ત આર્મી મેને ફાયરિંગ કર્યું હોવાની ઘટના સામે આવી છે. પોલીસે આર્મી મેન રમેશભાઈ ભરવાડની અટકાયત કરી હતી.
ફાયરિંગમાં રીન્કુ ભરવાડ ઉંમર વર્ષ 15 નું મોત નીપજયું હતું.ઝઘડામાં ત્રણ લોકોને ગોળીઓ વાગી છે જેમાં ગોપાલભાઈ ભરવાડ તથા તેમના બે દીકરા વિજય ગોપાલભાઈ ભરવાડ અને વિપુલ ગોપાલભાઈ ભરવાડને ગોળીઓ વાગતા તેમને સારવાર માટે અમદાવાદની ઝાયડસ હોસ્પિટલમાં ખસેડવામાં આવ્યા છે.બનાવની જાણ થતા જ પોલીસ કાફલો ઘટના સ્થળે પહોંચી ગયો હતો