ડોક્ટર સહીત 33 લોકો કોરોનામાં સપડાયા
કલોલમાં કોરોનાનું સંક્ર્મણ સતત વધતું જઈ રહ્યું છે. ગાંધીનગર જિલ્લાના ચારેય તાલુકાઓમાં સૌથી વધુ કેસ કલોલમાં નોંધાઈ રહ્યા હોવાની વિગતો સામે આવી છે.જોકે આમ છતાં લોકો હજુ મોંઢે માસ્ક પહેર્યા વગર ખુલ્લામાં ફરી રહ્યા છે. આ સંજોગોમાં કોરોના સંક્રમણ વધવાની શક્યતાઓ છે. કલોલમાં સૌથી વધુ 33 કોરોના પોઝિટિવ કેસ નોંધાયા છે.
કલોલમાં કોરોનાના સૌથી વધુ 33 કેસો નોંધાતા ફફડાટ ફેલાઈ ગયો છે. મળતી વિગતો અનુસાર પંચવટી વિસ્તારમાં રહેતા એક ડોક્ટર સહીત કુલ 33 લોકોને કોરોના થયો છે. જેને લઈને આસપાસના લોકોને તકેદારી રાખવાની સૂચના આપવામાં આવી રહી છે.
કલોલના અન્ય રસપ્રદ સમાચાર વાંચવા માટે અમારી એપ કલોલ સમાચાર અહીં ક્લિક કરી ડાઉનલોડ કરો
https://play.google.com/store/apps/details?id=mobi.androapp.kalolsamachar.c7819
બીજી તરફ છેલ્લા દિવસે વિશ્વમાં 19.39 લાખ નવા કોરોના સંક્રમિતોની ઓળખ કરવામાં આવી છે. 9.91 લાખ લોકો સાજા થયા છે અને 3990 લોકોના મોત થયા છે. નવા સંક્રમણના મામલામાં અમેરિકા 2.87 લાખ દર્દીઓ સાથે ટોચ પર છે, જ્યારે ફ્રાન્સ 2.78 લાખ કેસ સાથે બીજા ક્રમે છે. તે જ સમયે, ભારત 2.57 લાખ નવા કેસ સાથે ત્રીજા નંબર પર છે.
ગત દિવસોમાં યુ.એસ.માં 346 નવા મોત નોંધાયા છે. એક્ટિવ કેસના મામલામાં અમેરિકા ટોપ પર છે. સમગ્ર વિશ્વમાં 5.57 કરોડ એક્ટિવ કેસ છે. તેમાંથી 2.30 કરોડ એકલા યુએસમાં છે. આખી દુનિયામાં અત્યાર સુધીમાં 32.87 કરોડથી વધુ લોકો આ મહામારીની ઝપેટમાં આવી ચુક્યા છે. જેમાંથી 26.74 કરોડ લોકો સાજા થયા છે. તે જ સમયે 55.57 લાખ લોકોએ જીવ ગુમાવ્યા છે.
કતારમાં કોવિડ-19થી ત્રણ સપ્તાહના બાળકનું મોત થયું છે. મહામારી શરૂ થયા બાદ ગલ્ફ દેશમાં બાળકનું આ બીજું મૃત્યુ છે.ફ્રાન્સની સંસદે રસીના પાસપોર્ટને મંજૂરી આપી છે. આગામી દિવસોમાં તેનો અમલ કરવામાં આવશે. સાર્વજનિક સ્થળોએ રસી પાસપોર્ટ વિના પ્રવેશની મંજૂરી આપવામાં આવશે નહીં.
