Kalol Samachar

 પોલીસ કેમ ડીંગુચા પહોંચી?

19 જાન્યુઆરીએ કેનેડા-યુએસએ બોર્ડર પર કથિત રીતે માઈનસ 35 ડિગ્રી સેલ્સિયસ વચ્ચે સરહદ પાર કરવાના પ્રયાસ દરમિયાન ચાર ભારતીય નાગરિકોના મૃત્યુના કિસ્સામાં અઠવાડિયા પછી મૃતકોની સત્તાવાર પુષ્ટિ થવાની બાકી છે.

આ મૃતકો ગુજરાતના ગાંધીનગરના કલોલ તાલુકાના ડિંગુચા ગામના હોવાનું કહેવાય છે. જોકે, ગાંધીનગરના કલેક્ટર કુલદીપ આર્યનું કહેવું છે કે મંગળવાર સુધી અમેરિકામાં મૃતકો અને નાગરિકો પકડાયેલા અંગે કોઈ માહિતી મળી નથી. તરફ ગુજરાત ક્રાઇમબ્રાન્ચની એક ટિમ પણ  મૃતકોના ઓળખના પુરાવા લેવા ડીંગૂચા પહોંચી હતી.

બીજી તરફ, આ કેસમાં ભારતીય નાગરિકોની ગેરકાયદેસર રીતે સરહદ પાર કરવા બદલ અન્ય સાત ભારતીય લોકો સાથે પકડાયેલા અમેરિકાના ફ્લોરિડાના રહેવાસી એજન્ટ સ્ટીવ શેન્ડને જામીન મળી ગયા છે.

19 જાન્યુઆરીના રોજ, કેનેડિયન પોલીસ યુએસ-કેનેડા સરહદ પર કેનેડાના પ્રાંત મેનિટોબામાં ઇમર્સન શહેર નજીક કેનેડાની અંદર 12 મીટર અંદર મળી આવેલા એક છોકરા સહિત ચાર ભારતીય લોકોના મૃતદેહની ઓળખ કરવામાં વ્યસ્ત છે.

કલોલની A ટૂ Z લેટેસ્ટ અપડેટ્સ મેળવવા નીચે ક્લિક કરી કલોલ સમાચાર ઓનલાઇન એન્ડ્રોઇડ એપ ડાઉનલોડ કરો
https://play.google.com/store/apps/details?id=mobi.androapp.kalolsamachar.c7819

કેનેડાની રોયલ કેનેડિયન માઉન્ટેડ પોલીસ (RCMP) એ સોમવારે જાહેર કરેલા એક નિવેદનમાં જણાવ્યું હતું કે તેઓ મોનિટોબાના ચીફ મેડિકલ એક્ઝામિનરની ઓફિસના સંપર્કમાં તપાસ કરી રહ્યા છે. ભારતના કોન્સલ જનરલના સ્ટાફ સાથે સતત સંપર્કમાં છે. અમારી પ્રાથમિકતા મૃતકો અને તેમના પરિવારજનોની ઓળખ સુનિશ્ચિત કરવાની છે. પોલીસ તરીકે, જ્યાં સુધી અમે મૃતકોની ઓળખ અને તેમના પરિવારજનો વિશે 100% સંતુષ્ટ ન થઈએ ત્યાં સુધી અમે આ વિશે કોઈ માહિતી આપી શકીએ નહીં.

20 જાન્યુઆરીએ જ, કેનેડામાં ભારતના કોન્સ્યુલ જનરલના કાર્યાલયની એક ટીમ મૃતકોની ઓળખ અને તેમને ભારત પરત લાવવાની પ્રક્રિયાની ખાતરી કરવા માટે કેનેડામાં વિન્નીબેગ પહોંચી હતી. અહીં ગુજરાત પોલીસની સીઆઈડી ક્રાઈમ પણ પટેલ પરિવારને કેનેડાના ટૂરિસ્ટ વિઝા મેળવનાર એજન્ટની ઓળખ અને વિઝાની ખરાઈ કરવામાં વ્યસ્ત છે.