કડીના ઈશ્વરપુરા પાટિયા પાસે ટ્રકની ટક્કરે બાઈક સવાર ત્રણ યુવકોના મોત
કડીમાં અકસ્માતની અરેરાટીભરી ઘટના બનતા શોકની લાગણી છવાઈ ગઈ છે.કડીના ઈશ્વરપુરા પાટિયા પાસે ત્રણ બાઇક સવાર જઈ રહ્યા હતા ત્યારે પાછળથી ટ્રકે આવીને ટક્કર મારતા તેમની મૃત્યુ થયું હતું જેને પગલે ગુનો નોંધી તપાસ હાથ ધરવામાં આવી છે.
પ્રાપ્ત વિગતો અનુસાર કડીના અમર નગરના ત્રણ યુવાનો જાતરનું આમંત્રણ આપીને પરત પોતાના ગામ ફરી રહ્યા હતા ત્યારે ટ્રકે પુરઝડપે આવીને તેમને ટક્કર મારી હતી. અકસ્માતને પગલે રોડ ઉપર લોકોના ટોળેટોળા એકત્ર થઈ ગયા હતા તેમજ બાવળું પોલીસ પણ ઘટના સ્થળે દોડી આવી હતી. પોલીસે ત્રણેય યુવકોની લાશને પોસ્ટમોર્ટમ માટે સિવિલમાં ખસેડી હતી તેમજ અજાણ્યાં ટ્રક ચાલક વિરુદ્ધ ગુનો નોંધીને તપાસ હાથ ધરી છે.એક એક જ ગામના ત્રણેય લોકોના મોતને પગલે સમગ્ર પંથકમાં શોકની લાગણી પણ ફેલાઈ જવા પામી છે.