કલોલ નગરપાલિકા ‘શિવ ઇન્ફ્રાસ્ટ્રક્ચર’ પર આટલી મહેરબાન કેમ, કલોલ સમાચારના ઇન્વેસ્ટિગેશનમાં એજન્સીની લાલિયાવાડીનો પર્દાફાશ
કલોલ નગરપાલિકામાં સ્ટ્રીટ લાઈટના કરોડોના કોન્ટ્રાક્ટમાં મહેસાણાની એજન્સી ‘શિવ ઈન્ફ્રાસ્ટ્રક્ચર’ ની બેદરકારી હવે જનતાની નજરે ચડી ગઈ છે. ‘કલોલ સમાચાર’ દ્વારા કરવામાં આવેલા તપાસમાં એક પછી એક એવા પુરાવા સામે આવ્યા છે, જે સાબિત કરે છે કે એજન્સી માત્ર કાગળ પર વહીવટ કરી રહી છે. હવે સવાલ એ ઉઠી રહ્યો છે કે આટલા પુરાવા હોવા છતાં પાલિકા તંત્ર આ એજન્સી પર એક્શન ક્યારે લેશે?
આટલી મોટી ટેકનિકલ ખામી, સ્ટાફની અછત અને PF વિભાગનો દંડ . આ તમામ પુરાવાઓ હોવા છતાં નગરપાલિકાના જવાબદાર અધિકારીઓ મૌન સેવીને બેઠા છે. શું એજન્સીને બ્લેકલિસ્ટ કરવાને બદલે તેને છાવરવામાં આવી રહી છે? જનતાના ટેક્સના પૈસાથી ચાલતા વહીવટમાં આટલી મોટી લાપરવાહી ક્યાં સુધી ચલાવી લેવાશે?
કલોલની જનતા હવે જાગૃત થઈ છે. જો આવનારા દિવસોમાં આ નબળા વીજ પોલ કે અંધારા રસ્તાઓને કારણે કોઈ જાનહાનિ થશે, તો તેની જવાબદારી નગરપાલિકા અને ‘શિવ ઇન્ફ્રાસ્ટ્રક્ચર’ ની રહેશે. હવે જોવાનું એ રહે છે કે પાલિકા આ એજન્સી પર ક્યારે કડક કાર્યવાહી કરે છે કે પછી ભ્રષ્ટાચારની આ રમત ચાલુ જ રહેશે.